21, 24 და 26 დეკემბერს, კონსტანტინე გამსახურდიას სახელობის სოხუმის სახელმწიფო დრამატული თეატრი, მარჯანიშვილის თეატრის მცირე სცენაზე, წარმოგიდგენთ სპექტაკლის ,,ჭკუისა მჭირს” პრემიერას.
პიესა – ავქსენტი ცაგარელი
სცენური რედაქცია, რეჟისურა და მუსიკალური გაფორმება – კოტე მირიანაშვილი
მხატვარი – მირიან შველიძე
ქორეოგრაფი – თეონა გურამიშვილი
რეჟისორის თანაშემწე – ლელა ბესელია
მოქმედი პირნი და შემსრულებელნი:
- ტასო – ნინო შავგულიძე
- დათიკო – გიორგი გასვიანი
- ბოქაული – დათო ვლიჯანაშვილი
- გრიქულა – ზაზა ასანიშვილი
- ბუღდანა – პაატა კიკვაძე
სპექტაკლში გამოყენებულია ზაქარია ფალიაშვილის, ვიქტორ დოლიძის, ზურაბ შიშმანაშვილისა და მიშა მდინარაძის მუსიკა კლასიკური კომედიოგრაფის, – ავქსენტი ცაგარელის ერთმოქმედებიანი ვოდევილი ,,ჭკუისა მჭირს“ ძველთბილისური სამაყურებლო სპექტაკლია. მოქმედება ხდება ძველ თბილისში, უთეატროდ დარჩენილ, ხელმოკლე მსახიობების ოჯახში. ეს ახალგაზრდა, მოხერხებული, უმუშევარი მსახიობები , იმპროვიზაციულად გათამაშებული სპექტაკლის წყალობით, ორ ჭკვიან ვაჭარს მოტყუებენ და ფულს დასტყუებენ, რითაც, შემდეგ დაკარგულ სახლს დაიბრუნებენ. შეიძლება ითქვას, რომ სპექტაკლი არის ,,ძველთბილისური ნიღბების თეატრი“ , სადაც გათვალისწინებულია ამ ჟანრის ყველა ტრადიცია. კომედიური სიუჟეტის გამო, სპექტაკლში ხშირია მოულოდნელი სიტუაცია, გადაცმა. პერსონაჟებს აცვიათ ძველთბი–ლისური, ფერადოვანი, ეფექტური კოსტიუმები. სპექტაკლის მუსიკალურ–ხმოვან რიგში აღსანიშნავია ვოდევილის ჟანრისათვის დამახასიათებელი ყველა თვისება: სიმღერა, საცეკვაო ეპიზოდები… დეკორაციის ძირითად კომპონენტებს წარმოადგენს ძველი თბილისელების ფოტოების კოლაჟი.
