პრემიერა ახმეტელის თეატრში “ღმერთო, რისთვის?”

პრემიერა
სანდრო ახმეტელის სახელობის დრამატულ თეატრში

2, 3, 9, 24 მაისს, 20 საათზე, ახმეტელის თეატრში პრემიერაა. ნოდარ დუმბაძე თავისი ჩვეული სევდანარევი იუმორითა და კოლორიტული პერსონაჟებით, რომლებიც დიდიხანია შეიყვარა ქართველმა ხალხმა კიდევ ერთხელ გაცოცხლდება ახმეტელის თეატრის სცენაზე.

სპექტაკლი “ღმერთო, რისთვის?“ რეჟისორმა ნუგზარ გაჩავამ ნოდარ დუმბაძის მოთხრობების „მზიანი ღამე“ „ღმერთო რისთვის?“ „ნუ გეშინია დედა“ მიხედვით განახორციელა. მაყურებლის თვალწინ თამაშდება ფრაგმენტები ნოდარ დუმბაძის ავტობიოგრაფიიდან – იგი იხსენებს თავის თმაჭაღარა დედას, რომელსაც საბჭოთა რეპრესიების „წყალობით“ თორმეტწლიანი განშორების შემდეგ ხვდება, იგონებს გაუზიარებელ სიყვარულს, რომელმაც ტკივილი მიაყენა, თბილისელი კოლორიტი ვანიჩკა ბიძია და მეგობრობა ძველ თბილისურ იტალიურ ეზოში.სპექტაკლს ლაიტმოტივად გასდევს უდანაშაულო ადამიანების ტრაგედია, რომლებიც ეპოქის და სისტემის მსხვერპლნი ხდებიან… ღმერთო რისთვის? სევდიანი განშორების შემდეგ დგება დრო, როდესაც 20 წლის მიტო დედას ესაუბრება, ის 20 წლისაა არც დიდია და არც პატარა, მაგრამ ცხოვრება კიდევ კარგა ხანს გაუჭირდება…..

ინსცენირების ავტორი და რეჟისორი – ნუგზარ გაჩავა – ხელოვნების დამსახურებული მოღვაწე
მხატვარი – აივენგო ჭელიძე – საქართველოს დამსახურებული მხატვარი

სპექტაკლში მონაწილეობენ : ნუგზარ ყურაშვილი – სახელმწიფო პრემიის ლაურეატი, გიგი მიგრიაული ,მარინა ხარჩილავა, მზია ტალიაშვილი,თამთა პატაშური, ვალერი ტორონჯაძე, ვასო შიხაშვილი, ვაჟა ციცილოშვილი